Hvernig þú velur réttu yfirbreiðsluna fyrir sólhlífina þína

Sólhlífarþekja er ómissandi partur af því að setja sólhlífina í geymslu þegar hausta tekur. Yfirbreiðslan ver sólhlífina gegn leiðinlegu veðri og kemur í veg fyrir að ryð myndist á stönginni eða mygla á dúknum. Yfirbreiðslur fást í mismunandi stærðum og gerðum og þú finnur því án efa þekju sem hentar sólhlífinni þinni.

En hvaða yfirbreiðslu ættirðu að velja? Ýmsir möguleikar eru í boði og þú þarft því að renna yfir ógrynnin öll af mismunandi vörum til að finna réttu yfirbreiðsluna fyrir þig. Þó getur það auðveldað valið ef þú veist hvaða atriði eru mikilvægust í leitinni að réttu þekjunni. Þessar leiðbeiningar útlista þeim atriðum sem gott er að hafa í huga við val á sólhlífarþekju.

Hvaða stærð af yfirbreiðslu ættirðu að velja?

Stærðin er hugsanlega eitt mikilvægasta atriðið þegar leitað er að sólhlífarþekju. Afar mikilvægt er að kaupa réttu stærðina. Ef yfirbreiðslan er of lítil þá eru partar af hlífinni óvarðir. Ef hún er hings vegar of stór þá eru meiri líkur á því að vatn og óhreinindi festist á henni. Til að finna réttu stærðina þarftu að mæla lengd og breidd sólhlífarinnar.

Flestar yfirbreiðslur eru með límmiðum sem gefa til kynna stærðina og samhæfni við ákveðnar sólhlífar. Ef þú veist stærð hlífarinnar þá geturðu auðveldlega valið rétta stærð yfirbreiðslu með þessum málum. Munur er á stærðum fyrir rétthyrndar og ferkantaðar sólhlífar og því er mikilvægt að hafa það í huga.

Yfirbreiðsla sem passar á kringlótta sólhlíf með 33 cm þvermáli virkar einnig á ferkantaðar sólhlífar með 23 cm þvermáli. Ef þú finnur ekki málin á sólhlífinni þinni þá getur verið gott að hafa samband við framleiðandann til að fá nánari upplýsingar. 

Aðrir þættir sem vert er að hafa í huga

Að stærðinni undanskildri eru nokkrir aðrir þættir sem þú þarft að hafa bakvið eyrað þegar þú kaupir sólhlífarþekju. Eftirfarandi þættir aðstoða þig í leitinni að réttu yfirbreiðslunni.

Vörn

Nauðsynlegt er að þú hafir í huga hversu mikla vörn þú vilt að yfirbreiðslan gefi. Allar sólhlífarþekjur gefa ekki sömu vörnina. Sumar hlífar eru með vörn gegn vatni en verja ekki gegn útfjólubláum geislum. Aðrar gerðir búa yfir báðum vörnunum, á meðan sumar eru ekki vatnsheldar.

Ef þú hefur kost á að geyma sólhlífina í skjóli þá geturðu auðveldlega valið yfirbreiðslu sem er ekki vatnsheld. Þó er yfirleitt mælt með því að fólk velji yfirbreiðslu sem er vatnsþolin og UV-þolin.

Yfirbreiðslusvið

Annað mikilvægt atriði er hversu stórt svæði yfirbreiðslan nær að hylja. Sumar yfirbreiðslur veita fulla vörn með því að hylja hvern einasta flöt á sólhlífinni, á meðan aðrar hylja aðeins efri hliðina þannig að grunnurinn og fæturnir eru ekki varðir. Mjög sjaldgæft er að finna yfirbreiðslu sem hylur alla sólhlífina.

Ef undirstaðan er sterkbyggð og ryðvarin þá þarftu ekki að hylja neðsta hlutann. Þekjur eru að mestu hannaðar til að vernda efnið og efri hluta sólhlífarinnar, þar á meðal stöngina.

Litur

Yfirbreiðslur fást í ýmsum litum sem henta stíl og smekk hvers og eins. Svartur og grár eru meðal annars algengir litir. Það er góð hugmynd að velja lit sem passar við litinn á veröndinni eða garðhúsgögnunum. Þú getur einnig farið öfuga leið og valið lit sem stangast á við innréttingarnar.

Mundu að bjartir litir sýna mun betur óhreinindi heldur en dökkir litir. Á hinn bóginn dofna dekkri litir hraðar þegar þeir standa í sólinni til lengri tíma. Góðu fréttirnar eru þó þær að flestir framleiðendur gefa vörunum sínum vörn gegn fölnun, regnskemmdum og UV-skemmdum.

Mælt er með því að fólk velji yfirbreiðslu sem setur heilrænan blæ á rýmið og kemur jafnvægi á það frekar en að það velji áberandi yfirbreiðslu. Hannaðu veröndina eða garðinn með litum sem henta þínum stíl, persónuleika og smekk. Þú þarft ekki að fylgja einhverjum ströngum reglum.

Saumar

Saumar eru mikilvægir þegar kemur að því að átta sig á því hversu auðveldlega efnið gæti rifnað. Flestar yfirbreiðslur eru með tvöföldum saumum til að halda þeim sterkum og langvarandi. Yfirbreiðslurnar eiga á hættu að rifna þegar þú setur þær upp ef saumarnir eru lausir. Skoðaðu því alla sauma vel. Ef þú ætlar að versla á netinu þá skaltu stækka myndina eins mikið og þú getur til að athuga hvort yfirbreiðslan sé tvísaumuð.

Hvernig þú hylur og geymir sólhlíf

Jafnvel þótt þú eigir bestu yfirbreiðslu í heimi þá þarftu að kunna að setja hana rétt á sólhlífina til að koma í veg fyrir skemmdir. Þú skalt fyrst og fremst aðeins hylja sólhlífina þegar hún er þurr. Passaðu einnig að hún sé lokuð og rétt bundin áður en þú setur yfirbreiðsluna á hana. Gakktu úr skugga um að allar snúrur séu vel festar og settu síðan sólhlífina í geymslu. Ef þú ætlar að geyma sólhlífina í kjallaranum, geymdu hana þá flata til að koma í veg fyrir að hún detti niður.

Ertu í leit að réttu yfirbreiðslunni fyrir sólhlífina þína? Skoðaðu úrvalið okkar til að finna réttu yfirbreiðsluna fyrir þig.