Rólubekkir (65 Niðurstöður)

Útbúðu notalegt útisvæði með garðrólu

Manstu hvernig tilfinning það var að róla sér sem krakki? Þú átt eflaust margar góðar minningar af því að fara á róló. Garðrólur eru notalegar og gefa útirýminu heillandi blæ. Ímyndaðu þér að sitja í nýju garðrólunni þinni með morgunkaffið. Eða hvað með gott spjall í rólunni með makanum eða börnunum í lok dags? Þetta er líka fullkominn staður til að njóta tebollans eða góðrar bókar á kvöldin. Hér hjá vidaXL bjóðum við upp á fjölbreytt úrval af garðrólum í ýmsum efnum, stærðum og hönnunum. Skoðaðu allt úrvalið til að finna rólu sem hentar þínum þörfum og útisvæði.

Njóttu þess að slaka á í rólegheitunum á garðrólu

Fáir útihlutir gefa eins mikla ró og slökun og garðrólur. Hengirúm hafa yfir sér svipaða tilfinningu. En garðrólur eru þó aðgengilegri fyrir flesta og svo geturðu sötrað uppáhaldsdrykkinn þinn í rólunni. Garðrólur bjóða upp á þægilegan stað til að slaka á utandyra. En það er ekki allt. Garðrólur eru líka fallegir hönnunargripir og þær bæta notalegheitum við útisvæðið. Ef þú ert í leit að stað þar sem þú getur hvílt lúin bein og slakað á, þá er garðróla alveg nákvæmlega það sem þú þarft.

Garðrólur eru vinsælar meðal ungra sem aldinna - sérstaklega á sumrin. Þú getur meira að segja notað róluna þegar það byrjar að kólna í veðri. Það eina sem þú þarft er notalegt teppi og góð útiföt og þá ættirðu að geta sitið útivið jafnvel á köldustu kvöldum.

Rólur sem setja gáskafullan svip á heimilið

Garðrólur eru vissulega skemmtileg og notaleg viðbót við útisvæðið, en það eru líka til aðrar tegundir af rólum sem þú getur bætt við heimilið til að gefa því glettið yfirbragð. Skoðum aðeins mismunandi tegundir af rólum.

• Hengirúm. Eins og við nefndum hér að ofan þá eru hengirúm alveg frábær. Jafnvel nafnið fær þig til að hugsa um afslappaða letidaga. Hengirúm fást í ýmsum litum, efnum, hönnunum og stærðum og þú ættir því alveg örugglega að geta fundið rétta hengirúmið fyrir þig. Hægt er að nota hengirúm bæði inni og úti og þau eru afar vinsæl bæði meðal barna og fullorðinna. Sum hengirúm þarf að festa við tré, staur, stólpa eða eitthvað álíka, á meðan önnur hengirúm standa sjálf og þú getur því auðveldlega fært þau til.

• Kúluróla. Kúlurólur eru tilvaldar fyrir minni heimili og þær sjást oft á indverskum heimilum. Þú getur verið með þær bæði inni og úti og þær eru yfirleitt auðveldar í viðhaldi. Þú getur gert kúlurólur enn notalegri og þægilegri með því að skreyta þær með ljósaseríum og púðum.

• Hangandi sófarúm. Þessi sófarúm eru mestmegnis notuð innandyra en þau eru afar skemmtileg. Þú getur skipt venjulega sófanum út fyrir þessa upphengdu gerð. Þau eru frábær bæði fyrir setu og legu og svo setja þau líka skemmtilegan blæ á heimilið.

• Rólubekkur. Við urðum að setja bekkinn á listann. Rólubekkir eru hreinlega frábær viðbót við hvaða útisvæði sem er.

Þegar úr svo miklu er að velja þá ættirðu alveg örugglega að geta fundið rólu sem hentar þínum þörfum og útisvæði. 

Hvernig þú velur besta viðinn fyrir garðróluna þína

Garðrólur eru oftast gerðar úr viði. Viður er þó ekki bara viður. Eins og þú veist án efa þá eru til margar gerðir af viði, sem þýðir líka að það eru allskyns tegundir af garðrólum úr viði til. Val á efninu getur verið yfirþyrmandi, sem er einmitt ástæðan fyrir því af hverju okkur langar til að fara snögglega yfir helstu viðartegundirnar fyrir garðrólur. Þetta er án efa mikilvægasta atriðið þegar kemur að kaupum á garðrólu. Tekkviður, furuviður, sedrusviður og kýprusviður eru algengustu tegundir viðar fyrir garðrólur. Þessar tegundir eru með eftirfarandi eiginleikum:

• Kýprusviður. Þessi viður er glæsilegur og hann er þekktur fyrir að vera traustur og endingargóður. Hann er einnig veðurþolinn og eldist afar fallega. Það er í rauninni engin furða að þessi viðartegund sé svona vinsæl. Kýprusviður er þar að auki ein sjálfbærasta viðartegundin. 

• Sedrusviður. Hér höfum við aðra afar vinsæla viðartegund. Þessi viður er náttúrulega léttur og fallegur og hann þolir vel rotnun og skordýr þökk sé háu olíuinnihaldi. Þú þekkir sedrusviðinn á gullfallega rauða litnum. Sedrusviðrur á það þó til að fölna með tímanum og verða silfurgrár eða brúnn. 

• Furuviður. Næst höfum við furuvið. Furuviður er léttasta viðartegundin af þessum fjórum og einnig ein af ódýrustu tegundunum. Þetta þýðir að fura er afar algeng í garðrólur. Furan þarf þó aðeins meira viðhald en ella. Náttúrulegur litur furunnar er ljósgulur eða nær hvítur og þú getur því auðveldlega málað hana í dekkri lit ef þú kýst það. 

• Tekkviður. Tekk er afar fallegt og endingargott. Áætlað hefur verið að sum húsgögn gerð úr tekki geti enst í allt að 100 ár - og það utandyra. Tekk hefur þann einstaka eiginleika að hann stenst ýkt hitastig, bæði heitt og kalt, og svo er hann einnig náttúrulega varinn gegn skordýrum. 

Hvaða viðartegund ættirðu því að velja fyrir garðróluna þína? Þetta fer í rauninni algjörlega eftir þínum þörfum. Ef fjármagnið er til staðar þá gætirðu valið fínni viðartegundir. Þannig færðu garðrólu sem endist í afar langan tíma. Ef þú ert hins vegar í leit að ódýrari garðrólu þá gætirðu viljað velja efnivið á borð við furu. Ef sjálfbærni skiptir þig miklu máli þá þarftu einnig að hafa þetta í huga. Hágæðagarðróla getur enst í allt að 15-20 ár, en þetta fer auðvitað algjörlega eftir því hvaða garðrólu þú velur.

Þú finnur einnig garðrólur úr plasti eða málmi. Þessar rólur eru yfirleitt í ódýrari kantinum og eru nokkuð auðveldar í viðhaldi. Hvort sem þú velur viðarrólu eða rólu úr öðru efni þá ætti rólan að setja alveg einstakt yfirbragð á útisvæðið.

Fullkomnaðu útisvæðið með garðrólu

Í heimi nútímans þá getur það stundum virkað eins og sjaldgæfur lúxus að sitja í kringum borð og spjalla við vini og vandamenn. Tími með okkar nánustu er hins vegar mikilvægur og við megum ekki gleyma því að skapa minningar saman. Þessi augnablik skipta miklu máli í daglegu lífi og þau geta meira að segja hjálpað okkur að gleyma streitu og áhyggjum í daglegu lífi. Garðróla er frábær leið til að setjast niður, slaka á og tengjast ástvinum. Hugsaðu bara til baka til barnæskunnar þegar þú spjallaðir við ömmu og afa eða aðra ættingja á meðan þú sveiflaðist fram og til baka í rólunni. Þú finnur samstundis fyrir slökun við það að rugga hægt og rólega fram og til baka.

Hjá vidaXL trúum við því að öll útisvæði ættu að vera með garðrólu. Hvort sem þú velur litla eða stóra rólu þá erum við sannfærð um að hún eigi eftir að setja heillandi blæ á pallinn eða garðinn. Settu nokkra púða eða teppi á róluna og þá hefurðu lítinn og notalegan draumakrók.

Hlutir til að hafa í huga við kaup á garðrólu

Eins og við nefndum hér að ofan þá teljum við garðrólur vera frábæra viðbót við hvaða útisvæði sem er. En það er mikilvægt að þú veljir réttu garðróluna fyrir þig. Við höfum því tekið saman lista yfir hluti sem við teljum gott að hafa í huga áður en þú festir kaup á garðrólu.

• Stærð. Garðrólur fást í mörgum mismunandi stærðum og þú þarft að velja stærð sem hentar útisvæðinu þínu. Ef þú ert með stórt útisvæði þá gæti verið sniðugt fyrir þig að velja stóra garðrólu. Ef garðurinn er hins vegar í smærra lagi þá gæti verið betra að velja minni rólu. Dýpt sætisins getur einnig verið mismunandi og gakktu því úr skugga um að þú veljir réttu dýptina.

• Efnið. Við fórum yfir þetta hérr að ofan en þú þarft að hafa í huga hvaða efni er réttast fyrir þig.

• Ráðstöfunarfé. Svo þarftu auðvitað að hafa kostnaðinn í huga. Hér hjá vidaXL erum við stolt af því að geta boðið upp á garðrólur á viðráðanlegu verði. En þó getur auðvitað verið góð hugmynd að þú áttir þig á því hversu mikinn pening þú vilt nota í róluna.

• Stíll. Þú þarft einnig að hafa stílinn á garðrólunni í huga. Þú gætir til dæmis viljað velja módel sem passar vel við núverandi innréttingar.

• Frístandandi eða ekki. Ef þú ert ekki með þak á neinum stað í garðinum þá gætirðu viljað velja rólu með A-ramma eða frístandandi rólu. Þetta eru frábærir kostir ef þú ert ekki með þak eða ef þú ert óviss um hvort þakið sé nógu traust til að geta borið garðrólu.

• Litur. Síðast en ekki síst er sniðugt að þú takir augnablik til að íhuga hvort liturinn á rólunni skipti þig miklu máli. Garðrólur fást í ýmsum litum og þú gætir því allt eins valið lit sem passar við þinn persónulega stíl.

Þetta eru mikilvægustu þættirnir sem þú þarft að hafa í huga við kaup á garðrólu. Þegar þú hefur íhugað þessi atriði þá ættirðu auðveldlega að geta valið réttu róluna.

Verslaðu garðróluna þína í netverslun vidaXL

Hér hjá vidaXL bjóðum við upp á frábært úrval af garðrólum. Úrvalið okkar inniheldur mismunandi efni, liti, stærðir og hannanir. Þetta þýðir að við eigum alveg örugglega garðrólu sem á eftir að líta fallega út í garðinum þínum eða á pallinum. Ef þú ert með spurningar þá er þér velkomið að hafa samband við þjónustuverið okkar.